قبل السفر
اختر باقتك
دوّر على وجهتك في تطبيق برج أو في موقعنا، واختر عدد الأيام اللي تحتاجها.
من نحن
الدنيا كلها قدّامك. وخلّك متصل.
وين ما أخذتك رحلتك، برج يسهّل عليك تتصل بالإنترنت وأنت مسافر، بباقات eSIM لأكثر من 190 وجهة.
الرحلة تبدأ لما توصل، مو لما تلقى شبكة.
- تدوّر على واي فاي المطار
- توقف في طابور محل الشرايح
- تبدّل شريحة صغيرة وتخاف تضيّعها
- تشيل هم فاتورة التجوال
برج موجود عشان يشيل عنك هالهمّ كله.
اختر باقة لوجهتك، ثبّتها على جوالك، وشغّلها أول ما توصل.
أربع خطوط، والشبكة فُل.
هذي القيم اللي نبني عليها برج. ومثل خطوط الشبكة في جوالك، كل وحدة تكمّل اللي قبلها.
البساطة
الاتصال مو لازم يعقّد سفرتك. خطوات أقل، وكلام واضح، ولا شيء تحتار فيه في المطار.
سهولة الوصول
توصل للباقة المناسبة بسهولة: دوّر على وجهتك، شوف وش تشمل الباقة، واختر.
الحرية
رحلتك على كيفك. باقات بالأيام، لدولة وحدة أو منطقة كاملة أو أبعد.
التواصل
بالنهاية الموضوع مو بيانات. هو اتصالك بأهلك، والصورة اللي ترسلها، والخريطة اللي توصّلك.
باقات لأكثر من 190 وجهة، على مقاس رحلتك.
دولة وحدة، أو منطقة كاملة، أو أبعد من كذا. اختر الباقة اللي تناسب مسارك، وكلها شريحة eSIM رقمية.
كيف بتسافر؟
رايح لمكان واحد
اختر باقة خاصة بالدولة، بعدد الأيام اللي تحتاجها رحلتك.
مثل
الدول المشمولة والشبكات ومدة الصلاحية تختلف من باقة لثانية، وتظهر لك قبل الشراء.
بدون شريحة فعلية
تثبّت الشريحة على جوالك مباشرة، بدون ما تستلم أو تبدّل شي.
رقمك يبقى معك
شرائح برج للإنترنت فقط، وشريحتك الأساسية تبقى شغّالة للمكالمات والرسائل.
بيانات لامحدودة بالأيام
اختر عدد الأيام اللي تحتاجها، والسرعة تعتمد على الشبكة المحلية.
معك من قبل السفر لين ترجع.
برج يمشي على ترتيب سفرتك، من الليلة اللي قبل الرحلة لين ما تنزل في وجهتك.
وأنت في البيت
ثبّتها على الواي فاي
ثبّت الشريحة بكم ضغطة من التطبيق، أو امسح رمز QR من صفحة طلبك.
أول ما توصل
شغّلها
فعّل خط برج للبيانات وشغّل له تجوال البيانات. والتطبيق يوضّح لك كم باقي على باقتك.
السفرة الجاية
اختر وجهتك الجاية
دولة أو منطقة أو العالم كله، باقتك الجاية على بُعد بحث.
تحتاج مساعدة في أي خطوة؟ فريق الدعم معك على واتساب.افتح مركز المساعدة
وقت أقل تدوّر فيه على شبكة، ووقت أكثر تعيش فيه المكان.
وهذا اللي نشتغل عليه: طريقة أبسط تتصل فيها بالإنترنت برّا، عشان تستكشف وأنت مرتاح وين ما كانت وجهتك الجاية.
