كيف نقدر نساعدك؟

شريحة eSIM هي شريحة رقمية مدمجة في جوالك. بدل ما تركّب شريحة فعلية، تثبّت باقة البيانات مباشرة من الإعدادات.

مو كل الجوالات تدعمها، فتأكد قبل الشراء. ولازم يكون جوالك غير مقفل على شركة اتصالات معيّنة عشان تستخدم شريحة من مزوّد ثاني.

1. iPhone: الإعدادات ← عام ← حول. إذا ظهر لك رقم EID فجوالك يدعم eSIM.
2. أندرويد: الإعدادات ← حول الهاتف وابحث عن EID، أو اطلب ‎*#06#‎.

لا، شرائح برج للإنترنت فقط. شريحتك الأساسية ورقمك يبقون في جوالك، وتقدر تستقبل عليها المكالمات والرسائل.

لا، كل شريحة مرتبطة بالجهاز اللي ثبّتها عليه، وما تشتغل على أكثر من جهاز في نفس الوقت.

تأكد إنك متصل بشبكة واي فاي، وبعدها اختر الطريقة اللي تناسبك:

1. من تطبيق برج: افتح الشريحة واضغط «تثبيت».
2. رمز QR: امسحه من إعدادات eSIM في جوالك، من شاشة ثانية أو نسخة مطبوعة.
3. يدويًا: في iPhone من الإعدادات ← خلوي ← إضافة eSIM، وفي أندرويد من الإعدادات ← الشبكة والإنترنت ← بطاقات SIM ← إضافة eSIM، وبعدها أدخل الأكواد الموجودة في صفحة طلبك.

بعد الدفع تنتقل لصفحة طلبك، وفيها رمز QR وخيار التثبيت السريع للآيفون والأكواد اليدوية للأندرويد. احتفظ برابط الصفحة عشان ترجع له.

تأكد إن اتصال الواي فاي مستقر وجرّب مرة ثانية بنفس الطريقة. إذا ما زبط، راسلنا على واتساب برقم طلبك قبل ما تجرب أي شيء ثاني، لأن رمز QR غالبًا يُستخدم مرة وحدة بس.

إي نعم، كل باقات برج الحالية بيانات غير محدودة. الباقات تختلف حسب الوجهة ومدة الصلاحية، وتظهر لك تفاصيل كل باقة قبل الشراء. والسرعة تعتمد على الشبكة المحلية في مكانك.

لكل باقة مدة صلاحية بالأيام تظهر لك قبل الشراء. بداية احتساب المدة ممكن تختلف من باقة لثانية، فإذا مو متأكد راسلنا قبل التثبيت.

الباقات للاستخدام مرة وحدة، وتلغى إذا ما استُخدمت قبل انتهاء صلاحيتها.

افتح الشريحة في تطبيق برج وتشوف المتبقي من باقتك.

بعد ما توصل وجهتك، تأكد من هذي الخطوات بالترتيب:

1. فعّل خط شريحة برج واختره كخط البيانات الخلوية.
2. شغّل تجوال البيانات لخط برج.
3. شغّل وضع الطيران وطفّه، أو أعد تشغيل الجوال.

إذا لسا ما اتصل، راسلنا على واتساب برقم طلبك. ولا تحذف الشريحة من الإعدادات، لأنه ممكن ما تقدر تثبّتها مرة ثانية.

السرعة تعتمد على الشبكة المحلية وموقعك. جرّب تشغّل وضع الطيران وتطفّه عشان يعيد الاتصال. وإذا استمر البطء، راسلنا بموقعك ورقم طلبك ونتابع معك.

تقدر تدفع بمدى أو فيزا أو ماستركارد أو Apple Pay.

فشل الدفع غالبًا يكون بسبب عدم كفاية الرصيد أو قيود على البطاقة أو مشكلة في الشبكة. تأكد من بطاقتك وجرّب مرة ثانية.

إذا انخصم المبلغ وما وصلتك الشريحة، لا تدفع مرة ثانية. راسلنا على واتساب برقم الطلب أو إيصال الدفع ونحلها لك.

المبالغ المدفوعة نهائية بمجرد بدء الخدمة. وإذا كانت فيه مشكلة تقنية مثبتة من جهتنا مثل عطل في الشريحة، ممكن تكون مؤهل للاسترداد. تواصل معنا عشان نراجع طلبك.